Urdu

شعبہ اردو

اردو کا شمار دنیا کی بڑی زبانوں میں ہوتا ہے۔برعظیم پاک و ہند کے علاوہ دنیا کے مختلف خطوں میں اس کے لاکھوں بولنے والے موجود ہیں۔ یہ زبان کئی صدیوں کی ہند اسلامی تہذیب کی ترجمان اور عظیم ادبی اور علمی ورثے کی امین ہے۔ اس نے دنیا کی بڑی بڑی زبانوں سے اکتساب فیض کیا ہے مگر اپنے رنگ و آہنگ میں انفراد رکھتی ہے۔

اردوپاکستان کی قومی زبان ہے ۔یہ اسلامی مملکت کے تمام حصوں اور علاقوں میں رابطے کی زبان کی حیثیت بھی رکھتی ہے۔اس کے دامن خوش رنگ میں صدیوں کا فکری سرمایہ موجود ہے جس سے آگہی ہر دور کے پاکسانیوں کی اساسی ضرورت ہے۔اس لیے بارھویں تک کی بنیادی تعلیم میں اسے لازمی مضمون کا درجہ حاصل ہے۔یونیورسٹیوں اور کالجوں میں اس کی اعلی سطح کی تعلیم کا سلسلہ بھی ایک صدی سے زیادہ عرصے پر پھیلا ہوا ہے۔ اسی درخشاں روایت کے اتباع میں یونیورسٹی آف لیہ میں اس کی اعلی درجاتی تعلیم کا اہتمام کیا گیا ہے۔ ١٨ ستمبر ٢٠٢٣میں بی ایس اردو کا اجرا اسی سلسلے کی ایک کڑی ہے۔